20 bat lagun elkartu ziren. Helburua zen batez ere euskara ikasten ari direnak edo egunerokotasunean euskaraz hitz egiteko aukera nahikorik ez dutenak agertzea, baina euskaldun osoak ziren bertaratutako gehienak, laguntzeko borondatez azaldu zirenak. Oso eskertuta daude Euskara Mankomunitatetik eta Bortzirietako euskaltegitik, «baina ea hurrengorako proportzio hori aldatzea lortzen dugun. Bortzirietan antolatzen den lehenengo Mintzodromoa zen, eta jendeari nahiko ezezagun zaio oraindik ekitaldi mota hau».
Mintzodromoak, bukatu eta gero, bakarrizketari eman zion bide: arrakastatsua izan zen, orduerdiko saio umoretsuan jendea gustura egon baitzen. Monologoaren ondoren, Beralandeta utzi eta parte-hartzaileei pintxopoterako bale bana eman zitzaien, eta Berako ostatuetan ibili ziren trago bat edan eta mokadu bat jaten.
Mankomunitateak eta Euskaltegiak espero dute matrikulazio-kanpainari bultzada txiki bat emateko balio izatea ekitaldi honek. «Hobetzeko marjina badugu oraindik, eta ez dugu zalantzarik datozen urteetan are eraginkorragoa izanen dela Bortzirietako Mintzodromoa».