35.387,50 euro jasoko ditu azkenean Etxalarko Udalak Iarmendiko usategiengatik

Irailaren 15eko hondar enkantean, hamabigarren postuaren prezioa bakarrik hobetu zen

Etxalarko Herriko Etxeak Iarmendi inguruan daude uso postuak esleitzeko bigarren enkantea egin zuen irailaren 15ean. Bortz postu atera ziren enkantera, sesta emana zioten hamabigarrena eta hutsean gelditu ziren bertze lau. Hauek hutsean segitu dute, baina hamabigarrenarengatik 1.010 euro gehiago lortu ziren asteartean, 4.387,50 euro ordaindu baitute denera. Denera, azken errematearekin 35.387,50 euro eskuratu ditu Etxalarko Udalak, hasierako prezioa baino 1.842 euro eta erdi gehiago. Prezio hauei %21eko BEZa eta %2,5eko gastuak gehitu beharko zaizkie, eta denera 43.703,56 euro ordainduko dute ehiztariek.