Bi ibilbide dituzte aukeran txirrindulariek, 45 eta 30 kilometrokoak
Beti Gazte elkarteak antolatutako Lesakako mendi bizikleta ibilaldiak bi ibilbide eskainiko ditu aukeran igandean: 45 kilometro luze eta 1.700 metroko desnibela duena luzeena eta 30 kilometro luze eta 1.000 metroko desnibelekoa laburrena.
Igandean 09:00etan abiatuko dira txirrindulariak eta 07:30etik 08:45era izanen dute izen emateko aukera. Igandean izena emanez gero, 20 euro ordaindu beharko dute federatuek eta 25 euro federatu gabekoek (13 eta 17 euro aitzinetik kirolprobak.com webgunearen bitartez eginez gero). Prezio horretan, asegurua, hornidura, zozketak, paisaiak eta Beti Gazte elkartearen 75. urteurrena denez, kamixeta teknikoa jasoko dute txirrindulariek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.