Lehenbiziko txandan ez zen inguruko futbolari gaztetxorik izan, baina oraingoan Lesakako hamaika (Josu Zubieta Eneterreaga, Oier Mitxelena Zubieta, Iker Agirretxe Bikondoa, Ion Ander Ruiz Sarasola, Beñat Etxabide Olazabal, Mikel Perez, Miguel Ubiria Alzate, Xabier Apeztegia Grassa, Beñat Escudero Garmendia, Manex Ubiria Garcia eta Aitor Zubieta Moratinos) eta Berako bi (Kenai Garcia Curto eta Aimar Sarobe Roman) badira. Beraiekin batera, Nafarroa osotik, baita Hendaiakoak, Bilbokoak edo Alemanian bizi den Iban Olaetxea Etxeberria lesakarra ere ari dira.
Chus Rodriguezek eskerrak eman dizkie, aurten ere, bai Lesakako udalari, bai Beti Gazte elkarteari, ematen dituzten erraztasunengatik. Berez Erriberako Eskolak gauzatutakoa izanik, Cabanillas, Lodosa, Gares eta Beiren eginkatu dute, baina Lesakan laketu dutela onartu du Rodriguezek. Ohikoa denez, futbolean trebatzeaz gain, aisialdirako ekintzak ere egiten dituzte, hondartzara edo mendira joanez, etab… Igande eguerdian Harriondoan eginen dute itxiera ekitaldia.