Egun handia ekainaren 24an, San Juan Eguna da. San Juan Xarreko mezaren ondotik, agintarien bazkaria eta bazkalondoan dantzak izanen dira. Ekainaren 25ean, Bidasoaldeko anfitrion topaketa eginen dute, inguruan ostatu ematen dutenen elkar ezagutza bultzatu nahizik. Ortziral arratsaldeean bizikleta jautsitera izanen da eta gauez Dirt Jump jaialdia.
Larunbata eta igandea izanen dira bestetako egun handiak. Larunbatean herri kirol erakustaldia, kontzertuak, zikiro-jatea eta Yrisarriko Palio jokatuko da, bortz herrietako herri bakoitzetik zaldi eta zaldun banarekin eginen den lasterketa. Igandean, artzain zakur lehiaketa, Makil-jokoa, herri bazkaria eta dantzak izanen dituzte.