Esleipenaren baldintza nagusiei dagokienez, esleipena jasotzen duenak 40.000 euro + BEZa ordaindu beharko du. Hori bai, sei urtetarako esleipena izanen da, eta sei urte horietan ez du errentarik ordaindu beharrik izanen. Hala nahi izanez gero, sei urteak igarota ostatuaren esleipenarekin segitu ahal izanen du, hilabetean 550 euro ordainduta (KPIa kontuan hartuta). Ostatua hartzen duenak uzteko aukera ere izanen du, eta jarritako diruaren zati proportzionala itzuliko zaio, %15eko kenkariarekin.
Ostatua eta sukaldea egiteko lanak Udalak eginen ditu esleipen honetan jasotako diruarekin. Beraz, esleipena hutsean geldituko balitz, ez da ostatuaren obrarik eginen.