Margolanak entregatu ondotik, beraien margolanak ikusteko aukera izan zen Alondegiko arkupetan. Arratsaldean banatu zituzten sariak Ana Irastorza, Lesakako Zerbitzuen Elkarteko ordezkariak eta Maider Arrieta udal zinegotziak.
Umeen artean, Lehen Hezkuntzako lehen eta bigarren mailako ikasleen artean, lehen saria Peru Urrarentzat izan zen eta bigarrena Leire Ariztegirentzat. LHko 3. eta 4. mailako ikasleen artean, Berako Amaia Prietok eraman zuen lehen saria. LHko bosgarren eta seigarren mailakoen artean, lehen saria Imanol Ugaldeberek eskuratu zuen eta bigarrena Kenneth Abuinek.
Helduen artean, berriz, bi lehenbiziko sariak Bergarara joan ziren. 500 euroko lehen saria Juan Jose Altunak eskuratu zuen eta 300 euroko bigarren saria Antonio Arrillagak. Herriko margolariek egindako margolan onenari emandako 150 euroko saria, iaz bezala, Raquel Arlegirentzat izan zen.
Epaimahaia herriko bi margolari haundik osatu zuten, Juan Carlos Pikabea eta Javier Igoak.