Saioa Bortzirietako Euskara Mankomunitatearen eta Berako Kultur Batzordearen laguntzarekin antolatu du euskara batzordeak. Sarrera 3 euro kostatuko da, eta 19:30etik aitzinera eskuratu ahalko da, kultur etxeko leihatilean bertan.
Sustrai Colina, Maialen Lujanbio, Miren Amuriza eta Xabier Terreros ariko dira Kultur Etxean, larunbat arratsaldeko 8etan hasita
Berako Euskara Batzordeak bertso saioa antolatu du datorren larunbaterako, ekainak 6. Saioa Berako kultur etxean izanen da, 20:00etan. Parte hartuko duten bertsolariak hauek dira: Sustrai Colina, Miren Amuritza, Maialen Lujanbio eta Xabier Terreros. Gai jartzaile eta aurkezle lanetan Ainhoa Larretxea arituko da, baina gaiak elkarlanean prestatu dituzte Berako bertso eskolako kideek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun