Maider Arrieta Tapia, Lesakako kultur zinegotzia eta Mikel Mate Ormazabal, Donostiako Musika eta Dantza Eskolako kudeatzaileak sinatutako hitzarmenaren arabera, Lesakako udalak emanaldiak egoki iragartzen direla bermatuko du eta mikro egoitzara gonbidatutako Europako taldeei udalerriari buruzko informazio turistikoa eta kulturala bidaltzea. Modu berean, emanaldietan bertako taldeak sartzea ere bideratuko du Lesakako Udalak eta talde horiek gonbidatutako talde europarrekin batera temaren bat jo beharko dute.
XII. Europako Musika Eskolen Jaialdiak (Emusik) 76 mikroegoitza izanen ditu Gipuzkoan (45 guztira; 20 Donostiakoak), Bizkaian (10), Araban (7), Nafarroan (8, tartean Bera eta Lesaka), Iparraldean (2) eta Errioxan (4). Guztira 400 kontzertu eskainiko dira 2016ko maiatzaren 6 eta 7an eta 26 herrialdeetako 20.000 ikasle bilduko dira
Mikroegoitza bakoitzean Europako 100-300 ikasle ostatatuko dira, eta tokian tokiko musikariek, musika banda eta abesbatzeetako kideek eta musika eskoleetako ikasleek bat eginen dute ekitaldi batean.
2016ko jaialdia Musika eskolen Europako Elkarteak antolatua da. Kasu honetan Emilia-Romana Italiako hirian azken edizioan izandako 5.000-6.000 musikariak laukoiztea espero dute.