Irrisarri Landen izanen du helmuga asteazkenekoak eta larunbatean ere eskualdean barna igaroko da
Bidasoko Txirrindularitza Itzuliaren lehenbiziko etapak Igantziko Irrisarri Land-en izanen du helmuga maiatzaren 6an. Txirrindulariek 107 kilometro osatu beharko dituzte Irun eta Irrisarri artean, asteazkenean 14:30ean Urdanibia Plazatik abiatuta. Berako tunelean 14:50 aldera izanen dira, Sunbilla (15:10), Doneztebe, Narbarte, Mugairi, Arraioz, Irurita, Elizondo (tarteko helmuga, 15:35), Arraioz, Mugairi, Belateko errepidea, Berroeta, Zigako gaina (3. Mailakoa, 16:15), Arraioz, Mugairi, Berrizaun, San Juan Xar eta Irrisarri Land (3. Mailakoa, 17:05 aldera).
Larunbatean Lesaka eta Bera barna
Maiatzaren 9ko Bidasoko Itzuliko laugarren etapak ere zati bat eskualdean barna eginen du. Irungo Ficoban abiatuko da 14:30ean eta Gurutzeko gaina (3. Maila), Oiartzun, Aritxulegi (1. maila, 15:25ean), Agiña (1. Maila), Lesaka (15:51), Bera, Behobia, Irun, Erlaitzeko gaina (1. Maila), Gurutze eta Letxunborron barna pasatu ondotik, Irungo Colon pasealekuan helmugaratuko da 17:00 aldera, 77,8 kilometroko ibilbidea osatu ondotik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.