Lan hitzarmena negoziatzerakoan, «ahal zen neurrian Nafarroako administrazio publikoko lan baldintzetara hurbiltzea» zuen helburu LABek, nahiz eta udalaren egoera ekonomikoarengatik guztiz parekatzea izanen zela jakitun izan. Halere, Udaletxeak lan baldintzak hobetzeko jarritako dirua ordu kopuruak jautsi eta lanpostuak sortzeko erabili dela aipatu dute LABetik, «lan ordu kopurua izugarri jaitsiz eta gainera lanpostu berriak sortuz».
LABen erranetan, «Lesakako udalak eta patronatuak erakutsi dute nahi izanez gero bertzelako politikak egitea posiblea dela, borondate politiko kontua dela, eta kasu honetan langileen lan baldintzak hobetzeko hautua egin da udaletxetik eta lan hitzarmen berri honetan irudikatu da».
Lan hitzarmen honek Lesakako Andra Mari Zaharren egoitzan epe berri bat ireki duela uste du LABek, «orain lanean jarri behar dugu denok, lan hitzarmen berri honek ematen dituen aukerekin ematen den zerbitzu hobetzen joateko, lan baldintza hobeekin zerbitzu publikoa ere hobetu egiten baita».