Bortzirietako eskuz banakako hamalaugarren pilota txapelketa urtarrilaren 21ean hasi da. Hain zuzen, bederatzi kategoriatan banatu dituzte pilotariak eta Bortzirietakoak ez ezik, Oiartzun, Iparralde, Irun eta Baztan aldekoak ere ari dira lau terdiaren barrenean asteazkenetan Beran eta Etxalarren, ortzegunetan Arantzan, ortziraletan Beran eta larunbatetan Lesakan. Denera 94 pilotari ari dira.
Ttikiak, Umeak B, Umeak A, Kimuak A, Haurrak eta Kadete B mailakoak ligaxka moduan jokatzen ari dira eta Kadete A eta 22 urtez beheitikoek kanporaketak dituzte, galtzen duena kanpora. Finalak martxoan jokatzeko intentzioa du Bortziriak pilota elkarteak, baina oraindik ez dago data eta lekua erabakita.