Bi bikote misto aurrez-aurre ariko dira aizkoran larunbat honetan

Aurten ere gazte kua­drilla ederra bildu da Mozorro Zurien eginbeharre­tarako. 30 inguru Mozo­rro Zurik inauterietako egitaraua prestatu dute mozorraldiaz gozatzeko.

 

Ortzegunean, Primi ostatuan ongi gosaldu ondotik, eskolako lagunei bisita eginen diete. Eskolako ikasle eta irakasleek harrera ezinhobea egiten diete eta gainera, ohiturazko paperez­ko bizkarreko kolore­tsuak prest izaten dituzte. Azkilarrea eta Aien­tsa auzoak talde batek; eta ber­tze­ taldeak, berriz, Borda­la­­rrea eta Eguzkialdea… Horrelaxe bana­tzen dira Mozorro Zuriak puxka-puxka eskean ibil­tzeko. Beñat eta Andoni Mitxe­lena akordeoilariak lagun izanen dituzte. Egun osoan eskean ibili ondotik, afaria Primin izanen dute­. 

 

Ortziralean gosaldu ondotik, herrian barna eskean ibiliko dira. Pabloenean bazkalduko dute. Arratsean, emakumeen afaria Burlada jatetxean izanen da. Bertso afaria, berriz, Aterpean izanen da Amets Arzallus eta Andoni Egañarekin. Gauerditik ai­tzinera, Gorapean Agerralderen eskutik dan­tzaldia izanen da.

 

Larunbatean, goizean atseden hartu eta Burladan bazkalduko dute. Arra­tsaldean, haur, gazte­txo eta guraso mozorrotuen  kalejira izanen da. 18:00etan Los Chamucos mariatxi taldearekin poteoa izanen da eta 19:00­­etan Mozorroek herri kirol saioa eskainiko­ dute. Horrez gain, Xabi Ages­ta eta Nerea So­ron­dok osatuta­ko bikotea, Julio Lukanbio eta Leire Astiasaran biko­tearen kontra ariko da aizkoran. Mozo­rroek Elkartean afalduko dute eta gauerditik aitzinera, Oharkabe taldearekin dantzaldia izanen da Gorapean.

 

Ortzegunean, inauteri eguna ospatuko dute eskolako lagunek. Goizean Mozorro Zurien bisita jasoko dute eta baz­kalondoan, mozorro bes­ta eginen dute. Herri Kirolak gaia aukeratu dute aurten mozo­rrotzeko. He­rrian barna trikitilariekin kalejira eginen dute ko­plak kantatuz. Ondotik, frontoian herri kirol saioa eskainiko dute eta eguna­ri akabera emateko eskolan berenduko dute.

 

Ortziralean, berriz, Lehen Hezkuntzako 4,5,6 eta DBH 1 eta 2. mailako ikasleak bi taldetan ba­naturik auzoetan eskean ibiliko dira trikitilariek alaituta. Ttikiagoak, berriz, herrian puxka-puxka ibiliko dira.