Urtarrilaren 17an, larunbata, San Anton eguna ospatuko da. Egun berean mezak izanen dira Lesakako Endara auzoko baselizan 10:30ean eta 12:00etan, Baina egun handia, igandea izanen da, erromeri giro bikaina izaten baita goizetik San Anton baseliza inguruan.
Bertan, igande goiz eguerdi partean, besta giroa izanen da, postuak, musika, mezak 10:00etan, 11:00etan eta 12:00etan eta arratsaldean, 17:30ean, herriko plazan dantzaldia Iratzar taldearekin.
Ospakizun hau dela eta bere 75. Urteurreneko estraineko ekitaldi bezala, Beti-Gazte elkarteak, goizeko 8etan plazatik abiatuta, San Antonera mendi irteera antolatu du.