Joan den abenduaren 12an, eskolako gimnasioan, ikasle eta irakasleek prestaturiko antzezlanak ikusteko modua izan zen. Gimnasioa ttiki gelditu zen, tanpetaino bete baitzen eta antzezlanak hagitz ongi atera ziren. Haur Hezkuntzako haurrek Vivaldiren lau urtaroak izeneko antzezlana eskaini zuten; 1go eta 2. mailakoek Eguna eta gaua; 3., 4., 5., eta 6. mailako ikasleek, Lehengo ohitura zaharrak lana taularatu zuten; eta DBHko neska mutikoek, berriz, Hollywoodeko izarrak lana.Tartean atsedenaldi bat egin eta Eguberritako bi zareak zozketatu zituzten. Lehenbiziko zarearen jabea Ibaialdeko Pakita Larretxea izan zen, 1.403 zenbakia zuen boletoa berak baitzuen; bigarren zarearen zenbaki saritua 1.829 izan zen eta Berako Julen Errandoneak eskuratu zuen. Herritarren aitzinean antzezlanak eskaini ondotik, abenduaren 17an Etxalar eta Igantziko eskoletako ikasleentzat bertze emanaldi bat egin zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun