Abenduaren 19an Zahar Txoko Elkarteak urte bukaerako afaria egin zuen. Guzira 40 bat afaltiar bildu ziren eta urteko kontuen berri jakiteaz gain, afari goxoa egin zuten. Gaur egun, 124 bazkide ditu Zahar Txokok eta sasoian dago.
Zahar Txokok eskaintzen dituen zerbitzuen artean, podologoarena dago. Abenduaren 19an, 14 lagunek aprobetxatu zuten zerbitzua. Jendeak beharra duenean, Martin Legarrari deitzen dio. Nahikoa jende biltzean, podologoari abisatu eta eguna eta orduak ematen dira. Oinak zaintzea garrantzitsua da eta herrian berean profesional batengana joateko aukera ematen du Zahar Txokok.