Berako Rikardo Baroja ikastetxean euskararen eguna ospatu zuten abenduaren 5ean. Goizean, Ei Txo!-ren agurra entzun ondotik, haundiak altxorraren bila ibili ziren eta ttikienak berriz jolas kooperatiboetan. Sukaldariak prestatutako gosari ederraren ondotik, aurtengo mezua osatu zuten: “Eskolan eta kalean euskara beti mingainean”.
Ondoren, eskolako trikitilari eta panderojoleekin batera, erromerian ibili ziren. Bazkaldu ondotik, pelikula bat ikusi zuten. Egunari jarraipena emanez, arratsaldean eskolako jolastokian, tailer desberdinetaz gozatzeko aukera izan zuten: eskulanak, talo tailerra… Ei Txo!-k bisita egin zien berriro, karaokean aritu ziren eta zezenekin akautu zuten eguna.