Herriko gaztetxoak han eta hemen pilota partidak jokatzen ari dira. Andoni Mitxelena eta Xabier Elizalde irakasle dituztela, astean zehar entrenamendu saioak egiten dituzte. Astelehenetan, Andoni, hamar urte bitarteko hamar haurrekin aritzen da; Xabierrek, berriz, ortziraletan, hamar urtetik gorako bi gaztetxo entrenatzen ditu. Bortzirietako Pilota Txapelketa ere aitzinera doa eta txapelketako final batzuk larunbat honetan, abenduak 13, Arantzan jokatuko dira, 10:00etatik aitzinera frontoian. Benjamin B mailan Ekai Madariaga eta Egoitz Goñik parte hartu dute txapelketan, infantil mailan Jon Zabala eta Jonatan Etxeberria aritu dira eta bi bikote hauek ez dira finalerako sailkatu. Benjamin A mailako Gaizka Zulaika eta Mikel Izagirrek azken jardunaldia joan den astean jokatzekoa zuten eta lerro hauek idaztean, ez dugu emaitzen berririk. Beharbada etorkizuneko pilotari haundiak hementxe ditugu!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun