Duela urte batzuk Behar Bidasoaren bitartez egiten zen bezala, orain Paris 365 Fundazioa da bitartekaria. Fundazio hori Iruñeko jendartean baztertuak eta beharrean daudenen alde lan handia egiten ari da. Parrokiatik behartsuei laguntzeko bide berri honen berri eman zuten eta dagoeneko boluntario talde bat lanean ari da. Herritarrek hagitz ongi erantzun dute eta azken hilabeteotan, arropa ona eta bertze gauza aunitz bildu dituzte herrian Paris 365 Fundaziora bideratuz. Aldi honetan, janaria bilduko dute. Larunbat honetan, hilak 13, 10:00etatik 12:00etara Puri Leizaren garajera (Osiña auzoan), denbora luzean kontserbatzen diren janariak eraman daitezke. Norberaren ekarpen ttiki batekin, denon artean eta denon laguntza batuta, bizitzeko janaririk ere ez duten aunitzen beharrak aseko ditugu.