Bortziriak, uraren magaletik euskararen bidean dokumentalaren estreinaldia azaroaren 29an egin zuten Beran. Geroztik Igantzin ere eskaini izan dute eta larunbat honetan, berriz, gainerako herriek hartuko dute lekukoa: Arantza, Etxalar eta Lesakak. Ikusi trailerra
Arantzan Baskulan eskainiko dute dokumentala, 19:30ean. Etxalarren 19:00etan Kultur Etxean eta Lesakan ere 19:00etan Kultur Etxean.
Itsas amuarrain baten bidea
Urak benetan markatu ditu Bortzirietako herritarrak. Beraien bizitzak zipriztindu ditu. Marinel, bajura eta alturako arrantzaleak izan ziren Ternuan, artzain Ameriketan, neskame frantzian...
Itsas amuarrain baten bidaia jarraitzen du honako dokumentalak. XX. mende hasieran itsasoratu zen eta etxera bueltan den amuarrainarena, hain zuzen ere. Utzitako bortz herriak berriz ere ikusitakoan oroitzapenak etorriko zaizkio burura. Bizimoduak, ohiturak, elikadura...eta euskara. Dena aldatu da, baina euskaraz bizitzen jarraitzen dute bortziriarrek. Sorlekura egiten duen itzulera honetan jakin da, bertzeak bertze, garai horretan gaztainak bizirauteko ezinbertzekoak izan zirela, edo bokata eta baikuntza hitzen erranahia edota mamia eta gaztanbera nola egiten den. Goiti eta beheiti ibili dira Arantza, Lesaka, Igantzi, Bera eta Etxalarren. Beti ere Bidasoa ibaiari itsatsita, uraren magaletik euskararen bidean.
Lana osatzeko abiapuntua 2006 eta 2008 urte artean Euskokultur Fundazioak Bortzirietan egindako kultur ondare ez-materialaren bilketa izan da. Elkarrizketatuen memoriak eraman ditu uraren magalera. Oroitzapenei irudiak jarri eta dokumentala ezagutzera ematen ari dira orain.
Elkarrizketatuak
BERA
Dolores Errandonea, Doroteo Legia, Joxe Antonio Errandonea, Joxe Maritorena, Juan Matxikote, Juanito Burguete, Matias Irazoki, Pakita Ado, Patziku Martikorena, Pepita Mindegia, Pilar Iratzoki Rosario Iratzoki, Tere Abril.
LESAKA
Joxe Irigoien, Joxe Mitxelena, Luis Olaetxea, Maialen Irigoien, Manuela Iantzi, Pedro Lanz, Rafael Eneterreaga.
ETXALAR
Cipriano Sansiñena, Javier Indaburu, Javier Sansiñena, Jose Ramon Berroeta, Leon Goienetxe, Lorentxo Ibarra, Maria Luisa Larrañaga, Maritxu Zubieta, Salvadora Arburua, Terexa Goienetxe.
IGANTZI
Agustin Antxordoki, Dolores Retegi, Elvira Iturria, Euxtakio Iguzkiagirre, Inaxi Etxeberria, Jesus Mari Sein, Jose Luis Antxordoki, Juan Sein, Manuela Sein, Patxi Txoperena.
ARANTZA
Cornelio Ubiria, Dionixi Lazkano, Inaxi Iparragirre, Joxe Mari Ordoki, Juan Aginaga, Juanita Leiza, Koxme Larretxea, Martina Bergara, Norberto Elizondo, Panttaleon Errandonea, Roman Iparragirre.