Azaroaren 8an, eskolako gimnasioa jendez tanpetaraino bete zen. Beñat Mitxelena herriko akordeoilariak eta Erramun Martikorena baigorriar kantariak emanaldi polita eskaini zuten. Guzira 12 kanta izan ziren, tartean ezagunak ere bai: Bidarraiko artzain xaharra, Orhiko xoria, Artzaintza, Amets bat egin dut, Baratze bat, Erribera, Amaren iturria, Primaderari, Ai zer plazerra, Maiatza, Xalbador eta Ene maitia Barda nun zira. Arratsaldez, bi orduko beroketa-entsegua egin eta ilunabarrean, publikoaren gozagarri, emanaldi ederra eskaini zuten. Gainera, zenbait kantuetan, bertaratu zirenek kantuz parte hartu zuten. Beñat Mitxelena musikariak, Erramunekin batera, eskualdetik kanpo ere emanaldi bat baino gehiago eskaini ditu. Beñat, musikari gisa ere, edozein ospakizun, inauteri edo besta, herriz-herri, han eta hemen dabil. Berriki, Aurtizko bestetan ere izan da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun