Ia laugarrena izan da aurten eta Bertizko Turismo Partzurgoak jakinarazi bezala, jardunaldia giro ederrean joan zen. Laugarren urtez, Etxalarko Usategietan Gastronomia Saria egin zuten azaroaren 7an. Hamar jatetxek esku hartu zuten, gehienak eskualdekoak eta euren betebehar nagusia uso plater bat prestatu eta aurkeztea izan zen. Lehenbiziko saria Aterpeko platerak jaso zuen eta Urrezko Paleta beretzat izan da edizio honetan.
Aspalditik, ehiza platerak eskaintzen ditu Aterpek, tartean, tradizio handiko usoa saltsan. Udazkeneko denboraldian jende aunitzek dastatzen dituzte usoak, denboraldiko bertze hainbat produktu preziatuekin batera. Amatxo sukaldariaren errezeta barneratuz, oraindik jarraitzen dute… bezero aunitzen aho sabaiak gozarazten. Zorionak!