Mendira ekimenarekin bat eginez, Berako Kaxerna gaztetxetik, azaroaren 23an, iganderako, mendi irtenaldi bat antolatu dute. Euskal preso politiko eta iheslariek pairatzen dituzten eskubideen urraketekin bukatzeko, aldarrikapen martxa izanen da.
Igande goizeko 9etan geldituko dira Altzateko plazan. Bertan, kotxeetan, Landagaitara goituko dira, ibilaldia hain gogorra ez izateko. Ibilaldiari dagokionez, Landagaitatik abiatu eta Larun ttiki, Zizkuitz, Hiruitturri, Atakaleun, Yasola ibilbidea eginen dute. Eguerdian, Yasolan, bazkari eder batekin beteko dute sabela. Bazkarirako, Katakun jarri dugun zerrendan apuntu edo bertara deitu beharko da: 948690858.