Julio Caro Barojaren jaiotzaren mendeurreneko ekitaldien baitan, Viajando con Don Julio antzezlana eskainiko dute Emaitza antzerki taldeak eta Gure Txokoa dantza taldeak azaroaren 9an, igandean 18:30ean Berako Kultur Etxean. Sarrera 3 euro kobratuko dute.
1980ko hamarkadan hainbat beratarrek hamar bat bidaia egin zituzten Julio Caro Barojarekin (Segura, Aralarko San Migel, Zugarramurdi, Durango, Agurain…). Leku hauen historia ezagutzeko parada izan zuten joandako bisitariek. Toki horietan guztietan suertatutako zenbait gertakizun historiko eszenaratuko dituzte antzezlan honetan.