Herriko gazteek Milagrora egunpasa antolatu dute azaroaren 29rako, kapeaz eta giro ederraz gozatzeko asmoarekin. 09:00etan abiatuko da autobusa aparkalekutik eta Milagron, kapeako lekura ailegatu ondotik bertan ederki gosalduko dute (xingarra, txistorra, gazta…) eta ondotik kapea izanen dute bazkaltzeko ordura arte. Bazkariko menua ere aski berezia izanen dute: entsalada keztatua eta ahuntz gazta roiloa, iberiar deliziak ogi tumakarekin, etxeko kroketak, onddo nahaskia, bakailaoarekin betetako piperrak, zezen buztana gisaduan edo bildots errea (honek 4 euroko gehigarria dauka), dena ardo nafarrarekin bustia. Postrerako, teilak izozki eta txokolate beroarekin eta kafea, izanen dute. Bazkalondoan, beharbada “torero” gehiago animatuko da kapearako eta diskoteka ere izanen dute, bueltatzeko ordura arte. 20:00etan aterako dira Milagrotik herrira.
Egunpasako prezioa 50 eurokoa da, gosaria, bazkaria eta kapea barne. Azaroaren 20ra bitarte apuntatzen ahal da La Villa jatetxean eta izena emateko momentuan 20 euro ordainduko dira fidantza modura.