Julio Caro Barojaren mendeurreneko ekitaldien baitan, “Don Julioren arrastoa” erakusketa ireki zen Berako kultur etxean ortziralean, urriaren 24an. Juantxo Larramendi margolariak gidatuta, beratar talde batek egin du lan sorginak protagonista dituen erakusketan. Julio Caro Barojaren mundua haurrei erakustea du helburu. Ikusi argazkiak
Julio Caro Barojak berak margotutako hainbat koadro ikusi ahal izanen dira, eta Berako ikastetxeetako ikasleek egindako marrazkiak bildu dira erakusketaren erdian dagoen sagarrondoan, ikus-entzunezko batekin batera. Herritarrek utzitako koadroak ere badira. Erakusketaren inaugurazioan Pio Caro Baroja, Don Julioren anaia ere izan zen. Erakusketa hau azaroaren 23ra arte bisitatu ahal izanen da, astelehenetik ortziralera 17:00etatik 20:00etara, eta asteburuetan 11:00etatik 13:00etara eta 17:00etatik 20:00etara.