Pelle Ttikiren aldeko jostailuen azoka eginen dute Baserritarren Egunean

Hezitzaile eta gurasoek Pelle Ttiki Haur Eskolaren alde lanean segi­tzen dute. Azaroaren 1ean egiten den Base­rritarren Egunean, adibidez, biga­rren eskuko jostailuen azoka eginen dute. Horre­tarako, etxean erabiltzen ez diren jostailuak edo ego­kia izan daitekeen jos­teta­ko materiala bil­tzen ari dira. Joan den ortzegu­nean hasi ziren eta bertze­ bi or­tze­gune­tan, urriak 16 eta 23, 17:30etik 18:30era Herri­ko Etxeko Gorapera­ eraman daitezke. Emate­ko jostailu edo materialik izanez gero, eta egun horietan ezin bada hurbildu, 663 695410ra deitu eta antolatzaileak bila joanen dira.