Gure Txokoa elkarteak ez ohiko batzarra burutu zuen irailaren 27an, zuzendaritza batzordea berritzeko asmoarekin. Gai garrantzitsua izan arren, deialdiak ez zuen arrakasta handiegirik izan, 20-30 bat bazkide bertzerik ez baitziren aukeztu.
Angel Ponbar presidente ohiak lau urteotako balantze gazi-gozoa egiten zuen idatzia irakurri zuen eta Gure Txokoa bezalako elkarte bat «gogo eta konpromisuarekin» aitzinera atera daitekeela azpimarratu zuen. «Gure Txokoak herrian egiten duen lana baloratua ez dela» iruditu arren, aitzinera egin dute eta bidean lagun izan dutenak eskertu nahi izan zituen Ponbarrek. Modu berean, azpimarratu nahi izan zuen Iamoteneako ostatuan egindako obra eta bereziki zuzendaritzako bodegeroek egindako lana, «ostatuko kontuetan defizita edukitzetik irabaziak edukitzera pasatu garelako, bodegeroena benetan lan lotua da eta gure ustetan zuzendaritza berriak nola antolatu pentsatzeko moduko gaia».
Eskutitza irakurri ondotik, zuzendaritza batzorderako norbait aurkezten ote zen galdegin zuen presidente ohiak eta Patxi Castillo, Carlos Pacheco eta Jaione Dozagarat-ek aurkeztu zuten beraien burua. Beraz, hiru lagun hauek, bokalia ezberdinetako ordezkariekin batera osatzen dute zuzendaritza batzorde berria. Hain zuzen, Iñaki Eskudero (dantza); Joseba Errandonea (txirrindularitza); Jose (areto futbola); Elzaurdia, Lazkanotegi eta Mitxelena (pilota) eta Luis Irazoki eta Angel Ponbar (futbola).