Bortzirietako hizkeraren ezaugarriak biltzen eta aztertzen hasi nahi du Bortzirietako Euskara Mankomunitateak. Adierazi dutenez, hasiera batean ezaugarri horiek bildu eta aztertzeko asmoa dute, eta ondotik erabakiko dute egindako lana nola argitaratu eta ezagutzera eman.
Lan hori auzolanean eginen dutela jakinarazi dute Mankomunitatetik eta hala, horretan aritzeko prest direnen zerrenda osatu nahi dute. «Izan daitezke filologoak, euskara irakasleak edota bertzerik gabe horrelako gaiak gustukoak dituzten herritarrak», diote Euskara Mankomunitatekoek.
Norbaitek lan horretan aritzeko interesa eta gogoa izaten ahal duen jendea ezagutuz gero, Mankomunitatera jo dezake eta haien berri eman, izena, telefonoa eta e-posta utziz. Datuak telefonoz (948 634125) edo e-postara idatzita (euskara@bor tziriak.org) eman daitezke, urriaren 3a baino lehen.