Gure Txokoak antolatutako Berako XXII. BTT ibilaldia burutu zen irailaren 28an. 140 pertsonek hartu zuten parte hiru ibilbide zituen ibilaldi honetan: 16urtteik gorakoentzat diren A eta B ibilbideak eta 8-16 urtekoentzat den ibilbide ttikian.
Aurten ibilbide berriak zituzten edo hobe erranda, ibilbide berdintsuak baino alderantzizko norantzan. Gogorragoak ziren baina jendea gustura gelditu zen. Gehienek horrela politagoa zela erran zuten. Gertakizun aipagarririk gabe burutu zen aurtengo ibilaldia.
Antolatzaileek eskerrak eman nahi dizkiete proba hau antolatzen lagundu diguten bolondres guztiei, Frutas Errandonea eta Bautista Telletxeari hornidura postuetarako emandako produktuengatik eta Katea Bikeri opari poltsak betetzeko emandako laguntzagatik eta zozketarako emandako bizikletengatik.
Zozketako helduen bizikleta Lesakako Jose Migel Maritxalarrek eta haurren bizikleta Berako Manex Ordoki Larramendik eraman zuten.