Julio Caro Barojaren mendeurrenaren baitan, Beran egiten ari diren hitzaldi zikloko bigarren solasaldia eginen da irailaren 26an, ortziralean 19:30ean Beralandetan. Aranzadi Zientzia Elkarteko Fermin Leizaola etnografiari buruz ariko da gaztelaniaz.
Fermin Leizaola
.jpg)
Fermin Leizaola (Donostia, 1943) Aranzadi Zientzia Elkartearen Etnografia Saileko zuzendaria da. Eusko Ikaskuntzako kide, San Telmo Museoko Patronatuko Zuzendaritza Batzordekidea. Viana Printzea Erakunderen kolaboratzaile, Euskalerria Adiskideen Elkartearen supernumerarioa (Real Sociedad Bascongada de Amigos del País) eta Etniker Taldearen idazkaria (Gipuzkoa sekzioa), Jose Miguel Barandiaranen zuzendaripean Euskal Herriko Altlas Etnografikoa prestatu zuena. Hainbat solasaldi, kongresu eta sinposiotan parte hartu du etnografia gaiari lotuta, bai hemen, Euskal Herrian, bai kanpoan.
Hitzaldi zikloak segida izanen du datozen asteetan ere. Urriaren 3an, Barojatarren sorginak solasaldia eskainiko dute Koro Irazoki eta Juainas Paulek. Urriaren 10ean, azkenik, Bizipenak: Julio Caro Barojaz solasean izenburupean, hainbat herritarren testigantzak adituko dira.