Gure Txokoa elkarteak hogeigarren urtez antolatutako Berako Dantzari Ttiki Eguna irailaren 27an, larunbatean eginen da. Berako dantzariek Ibarrako Alurr dantza taldea, Zaldibiako Iztueta dantza taldea, Añorgako Arkaitz dantza taldea eta Anoetako Anitz dantza taldea gonbidatu dituzte aurtengoan.
Larunbat goizeko 10:30etik hasita, herriko karriketan zehar Berako dantzari ttikiak eta talde gonbidatuak dantzan ibiliko dira. Eguerdiko 12:30an Altzate karrikan talde guztien artean emanaldia eskainiko dute.