Larunbatean, irailak 20, marmitako txapelketa eginen da eta ondotik, prestatutakoa doan dastatzeko aukera eskainiko zaio frontoira hurbildu den jendeari. Arratsaldean plater tiroketa izanen da Ziobin. 19:00etan dantzariek euren emanaldia eskainiko dute.
Igandean haurren herri kirolak izanen dira goizeko 11etan. Eguerdian, XI. Gazta lehiaketa, ardi-ilea mozketaren erakustaldia, Nafarroako ardo dastaketa, eta Artzaia: Nafarren sena izeneko pasaporteekin zozketa eginen da. 14:00etan jubilatuek La Villan bazkaria izanen dute.
Artzain-zakur lehiaketa
Arratsaldean XXXIV. Artzain-zakur lehiaketa izanen da, aurten leku berri batean ospatuko dena: Meakandi gainean. 18:30ean kankailuak eta buruhandiak, Lesakako trikitixa taldearekin batera ibiliko dira, eta gero, gazta eta opil dastaketa ere beraien musikarekin alaituko dute giroa.