Irain eskolako eta Tantirumairu ikastolako guraso elkarteek egitarau zabala prestatu dute irailaren 20an, larunbatean Lesakan ospatuko den Haurraren Egunerako.
Larunbatean 11:00etan plazan (frontoian euria eginen balu) herri kirolak izanen dira: koxkor biltzea, txingak, harri jasotzailea, kontrabandisten lasterketa, zaku lasterketa eta sokatira. Sariak ere banatuko dira eta izen emateko epea irailaren 17an bukatuko da.
Arratsaldez, 16:00etatik aitzinera Harriondoan ekitaldi ezberdinak izanen dira: mahai-jokoak arratsalde osoan, 16:00etan Doplay (ttikiak), 17:00etan berendua, 17:30ean Doplay (haundiak) eta Xaldun Kortin eta 19:30ean dantza saioa Barbarorekin.