Espazioa txukundu eta moldatzeko auzolanerako egunak antolatu dituzte Berako Kaxerna gaztetxean. Irailaren 9 eta 10ean, astearte eta asteazken arratsaldeko 6etan gelditu dira eta garbiketa eta proiektuen garapena eginen dute.
Irailaren 20an, goizeko 9etan hasita auzolanean ari eta ondotik bazkaria eginen dute. Egun berean eginen dute lanen antolaketa baina egitekoak zehaztuak dituzte: gelak hustu eta txukundu, ateak eta leihoak moldatu, eskaileratan barandilak jarri, paretak margotu, iturgin lanak, areto nagusia insonorizatu, belarra moztu, biltegia eraiki...
Lan guzti hauek egiteko adituen (zurginak, iturginak, margolariak, informatikoak...) ekarpenak ere eskertuko omen dituzte Gaztetxean.