Bizilagunek idatzia sartu dute udalean, udal ordenantzen aldaketa eta zerbitzua munizipalizatzea eskatuz, «Lesakan eta Oiartzunen egin den bezala». Alabaina, legea eskutan ordenantza berriak ez lioke afektatuko beilatoki berriaren proiektuari. Kasurik azkarrenean gutienez bi hilabete beharko ziren eta ez litzateke indarrean sartuko aldaketaren prozesua bukatu arte. Aralar eta PNVko udal taldeek diotenez, «tramitean den lizentzia, eskatzen zaigun bezala inolako arrazoi juridikorik gabe ukatzea prebarikazioz jokatzea litzateke». Bertzalde, bizilagunek diote «beilatokia ezartzeko eskaera egiten duen enpresaren langile batek, botoa dauka baimena emateko». Aralar eta PNVk erantzun dute hori gezurra dela, «erabaki hori ez da plenoan hartzen, baimen horrek ez duelakoz bozketarik eskatzen, alkatearen ebazpenaren bidez ematen da, beharrezko txosten (arkitektuak eta NG) eta tramiteak bete ondotik».