Aurtengo bestak berrikuntzaz beteak izan dira. Handiena, lehen aldiz emakumeak dantzari aritu zirela San Esteban goizeko Bordondantza eta Makildantzetan. Arratsaldeko Aurreskuan ere protagonismo berezia izan zuten. Gainera, Gure Txokoako dantzarien jaialdia eta herri bazkaria Herriko Etxeko plazan egin ziren lehen aldiz. Udalak omenaldia eskaini zien Nafarroa eta Euskal Herriko Herriarteko txapelketak irabazi dituzten pilotariei. Berrikuntza izan zen Manttalek lehen aldiz antolatutako gau lasterketa ere (informazio gehiago kirol orrialdeetan). Besten hasierako txupinazoa herriko lau ikastetxetako Guraso Elkarteetako ordezkariek bota zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun