Abuztuaren 19tik 24ra jokatu ziren kadete, junior eta eliteen mailako Espainiako pistako txapelketak Galapagarren (Madril), eta Nafarroako selekzioarekin jokatu zuen Irati Otxoteko lesakarrak. Bertze hiru neskekin osatu zuen taldea: Joana Eslava, Ainara Elbusto eta Gloria Rodriguezekin, hain zuzen. Maila bikaina emanez taldekako jazarpen proban zilarrezko domina eskuratu zuten. Urrezko domina lortzeko puntuan ere izan ziren, laukote irabazlearengandik hiru segundora baino ez baitziren gelditu.
Nafarroako selekzioak 20 domina lortu zituen aipatu txapelketan.