Lesakako Nabaz auzoko bestak ospatuko dituzte uztailaren 26an, larunbatean, Linddurrenborda sagardotegi inguruan. Goiz-arratsaldez, hainbat ekitaldi prestatu dituzte eta bazkaria ere izanen dute.
Larunbatean 13:00etan botako dute txupinazoa. Ondotik, toka txapelketa jokatuko da. 14:00etan bazkaria eginen da Linddurrenborda sagardotegian. Bazkal-ondoren, auzoko bertsolariek bertso saioa eskainiko dute. Arratsaldez, erromeria eginen da Irune eta Itsaso Elizagoien trikitilariekin eta arratsaldez txinga txapelketa jokatuko da.
Bazkarirako izen emateko 948 637212 telefonora deitu behar da.