Berako Udalak, EHUrekin elkarlanean, Julio Caro Barojaren omenezko ikastaroa antolatu du datorren uztailaren 24rako, Donostiako Miramar Jauregian, EHUko Uda Ikastaroen baitan. Ikastaroa dohainik izanen da.
Julio Caro Baroja etnografoa eta antropologoa jaio zela 100 urte betetzen diren honetan, egun bateko ikastaroa antolatu da, bere ekarpena eta lana ezagutzeko asmoz. Goizeko saioan, Julio Caro Barojak euskal etnografia eta antropologiari egin zion ekarpena, eta gaur egun ekarpen hori zertan den aztertuko da Miramar Jauregian. Arratsaldeko saioa, berriz, Beran eginen da, Caro Barojaren lanaren ardatzetako bat izan zen tokian, eta Itzea, familiaren bizitokiaren inguruan.
Egitaraua
09:00etan Dokumentazio banaketa
09:15ean Julio Caro Baroja: Gizona, zientifikoa, euskalduna, Jose Antonio Azpiazu Elorza historialarekin.
10:00ean Etenaldia
10:15ean Julio Caro Barojaren ekarpena euskal antropologian, Jokin Apalategi Begiristainekin (EHUko Donostiako Psikologia Fakultatekoa).
11:00etan Etenaldia
11:15ean Julio Caro Barojaren ekarpena euskal antropologiaren garapenean, Aitzpea Leizaola Egañarekin (EHUko Donostiako Psikologia Fakultatekoa).
12:00etan Etenaldia
12:30ean Mahai-ingurua: Julio Caro Baroja pertsona eta bere lana gogora ekarriz.
15:30ean Arra saldeko ekitaldia Beran. Ikasleak autobusez joanen dira Berara. Eta ibilbide antzeztu bat izanen da Berako karriketan barna, Julio Caro Barojaren lanari errepasoa eginez, herriko musikari, antzerkilari eta dantzariez lagundurik.