Uda ailegatu orduko, AEK-ko barnetegiak izaten dira. Arantzako Aterpean, guzia prest dago uztaila eta abuztuan barnetegiak hartzeko. Uztailaren 7tik aitzinera, lau barnetegi izanen dira, lau hamabortzalditan banatuta. Aterpean ostatu hartuko badute ere, eskoletako geletan alde teorikoa jorratuko dute; herriko ostatuetan hameketako eta tragoxkak; herriko dendetan erosketak; eta azken finean herritarrekin hartuemanean, herriko hainbat ohitura eta zeregin ikusi eta ikasteko aukera izanen dute. Bidenabar, klaseetako alde teorikoa praktikara eramanen dute euskaraz solastuz.