RockBand izenburupean, rock kontzertu bikaina eskaini zuen ekainaren 20an, ortziral arratsean Lesakako Musika Bandak. Txartelen salmentak ikusita EskolTtikiren gibeleko aldea tokiz eskas geldituko zela eta, azkenean frontoiaren gibeleko aparkalekuan eskaini zuten ANFASen aldeko emanaldia eta mila lagun baino gehiago sartu ziren aditzera. Ikusi argazkiak
Queen, Michael Jackson, Europe, AC/DC, Miguel Rios, Blues Brothers, Nino Bravo, Barricada. Elvis Presley, Abba edo La Oreja de Van Gogh taldeen bertsioak egin zituzten musika bandakoek eta abesbatzan edo rock taldeetan aritu diren eta ari diren herritarren kolaborazioak ere izan zituzten. Erraterako, Kankako Jabier Fagoagak Barricadako El Drogasena egin zuen edo Vicente Apeztegiak Nino Bravorena, Estitxu Pinatxo eta Ainara Roda ere aritu ziren kantari eta ANFASeko langile, laguntzaile, guraso eta neska-mutilek ere, kantura eta dantza atera ziren.
Baina izan ziren Europeko kantariarena edo Queeneko Fredy Mercuryrena, AC/DCko Brian Johnsonena eta bertze hainbat kantarirena ere bikain egin zutenak ere. Musikarien artean ere, bandakoekin batera gitarra eta baxua jotzen aritu ziren Beñardo Iantzi, Joseba San Sebastian eta bertze batzuk ere. Emanaldi bikaina, hasieratik bukaerara.