Oraindik bizpahiru aste falta dira Sanferminetarako, baina Sanferminetako peñen eguna antolatu du Bortzirietako Gorriak Osasunazaleen taldeak ekainaren 21erako.
Eguraldiaren arabera, Harriondoa Kultur Etxearen atarian edo beheko frontoian eginen dira ekitaldiak. Larunbat goizeko 11:30ean hasiko dira ekitaldiak. 12:00etan paella txapelketa hasiko da eta triki-poteoa ere eginen da. 14:30ean paellaren sari banaketa eginen da eta bazkaria. Bazkarirako txartelak Koxkila ostatuan salgai daude, 5 eurotan.
Bazkalondoan, 17:30 aldera jokuak eginen dira eta gero plazara kalejiran joanen dira. 21:00etan kontzertuak izanen dira plazan. Tartean, Kanka taldea berriz aditzeko aukera ere izanen da.