Don Julioren arrastoa izenburupean, Julio Caro Barojaren jaiotzaren mendeurrena gogoratzeko urte osoan eginen ekitaldien baitan Txistularien Topaketa ospatuko da ekainaren 15ean.
Igande goizeko 11etatik aitzinera kalejira eginen dute Altzaten barna eta Txistularien aktuazioa Itzea barrenean. 12:30ean erraldoiekin batera ibiliko dira txistulariak Altzaten eta akabatzeko Itzea aitzinean joko dute. Guztira 70 bat txistulari bilduko dira Beran.