Joan den larunbatean, maiatzak 31, Nafarroako Eskola Kontseiluak Iruñean antolatutako hamabosgarren Jardunaldietan parte hartu zuen Berako Toki Ona Institutuak. Ikastetxeko Bizikidetza Programa aurkeztu zuen Aintzane Gascon irakasleak eta Bizikidetza Batzorde buruak, eta ondotik Mahai inguru batean parte hartu zuen.
Bizikidetza Programa 2005-2006 ikasturtetik egiten dute Toki Onan eta horren berri eman zuen irakasleak Iruñeko jardunaldian. Ondotik, bideo llabur bat ere eskaini zuen, guraso, ikasle eta zuzendariordearen adierazpenak biltzen dituena. Denek ondorio bera ateratzen dute: solastea eta aditzea oinarrizko tresnak direla eta hezkuntza emozionalean lantzen dena ikastetxerako ez ezik, bizitzarako ere baliagarria dela.
Argazkian, Bizikidetza Batzordeak Toki Onako ikasle batzuekin antolatutako ekitaldi bat ageri da.