Euskaraz Gara dioen mosaikoa osatzeko asmoa dute Bortzirietan. Zehazki, maiatzaren 31n, larunbat eguerdian Lesakan. Mosaikoa osatzearena UEMAren eskutik datorren ekimena da, datorren ekainaren 14an Tolosan ospatuko den Udalerri Euskaldunen Egunaren harira.
Egun horretan Tolosan bertan ere mosaiko erraldoia osatuko da baina eguna iritsi bitartean UEMAko bertze hainbat herrietan ere mosaikoak osatzen ari dira.
Bortzirietakoa, erran bezala, larunbatean burutuko da eta Lesakan eginen da 12:00etan, Harriondoa Kultur Etxearen atarian. Horretarako 133 bortziriar behar dituzte, herrika banatuta: Arantzatik 21 lagun, Beratik 32 lagun, Lesakatik 33 lagun, Igantzitik 23 lagun eta Etxalartik 24 lagun.