Haurrentzako besta antolatu du Enaitz Gara Taldeak ekainaren 7rako

Enai­tzi laguntzeko elkar­ta­sun ekimenek ai­tzinera segitzen dute eta Enaitz­ Gara Guraso Taldeak antolatuta ekainaren 7an eginen den hau­rren bestaren atarian, ekitaldi gehiago izanen dira­.

 

Maiatzaren 31n, Donezteben eginen den Malerrekako Egunean, Litro bat esne Enaitzen alde ekimena eginen dute. Esne brikaz eginiko bi horma handiren gibelean, bi mezu egonen dira gordeta. Euro bat ekar­tzen duen orok litro bat esne kentzen ahalko du brikaz eginiko hormatik eta ekarritako euro bakoi­tzeko, litro bat esne jasoko du. Hala, pixkanaka, gibelean gordeta dauden bi mezuak irakurri ahal izanen dira. 10:00­etatik eguerdira bitarte egonen da.

 

Ekainaren 1ean Nel Giardino Dei Suoni (Musikaren Lorate­gian) dokumentala ikusteko aukera izanen da. Wolfgang Fasser musikaterapeuta itsuak ezgaitasuna duten haurrei egungo gizarteak eza­rritako oztopoak gaindi­tzeko lagunduko die musika oinarri hartuta. 12 urtetik goitikoendako da eta filma italieraz egina badago ere, gaztelerazko azpitituluak ditu. Kultur Etxean eskainiko dute, 17:00­etan, eta sartzea borondatezkoa izanen da.

 

Ekainaren 7rako hau­rrentzako besta prestatu dute kiroldegi kanpoan, orain arte Enaitzen al­de egin denak izan duen­ babesa eskertzeko. 11:00etatik 19:30­era musikaz alaiturik, puz­garri, eskulan eta ezinduendako jolase­tan parte hartze­ko aukera izanen dute haurrek. Taloak­, krispetak eta pin­txoak jan eta tragoa hartzeko modua ere izanen dute. 19:00­etan, berriz, mer­ka­tarien­ lagun­tzarekin osatutako hamar saskiren zozketa eginen dute­. Horrez gain, sa­rre­ran hau­rrei doan bana­tuko diz­kieten zenbakiekin Pi­rritx, Porrotx eta Ma­rimo­totsen produktuak zoz­ke­tatuko dituzte. Zenbaki sarituak TTIPI-TTAPA, Xorroxin, eskualdeko ikas­­­tetxe, zozketako boletoak saldu diren denda­ eta ostatuetan eta enaitz­ lagundu.org atarian argitaratuko dituzte eta sarituek hilabete­ko epea izanen dute agertzeko.