Udaberriko bestak joan ziren, baina oraindik beraiekin oroitzen gara: euripean egindako mendi irteerak, bata Oskarrekin Berrizaun auzoa ongi ezagutzeko zena eta bertzea herriko haurrekin egin zena. Kantuan aritu ginen herrian barna, dantza taldeak omenaldi hunkigarria eskaini zion Saioa Telletxeari eta opil goxoak jan genituen. Gaztetxoek pelikula barregarria ikusi zuten eskolan, Iñigo Segurolak bere jakinduria eta landare ederrak eskaini zizkigun, trikipoteoan aritu ginen eta larunbateko gaua borobiltzeko sekulako kontzertuez gozatu genuen Udaberri On jaialdian. Herriko gazteek UdaberriOn kontzertuak finantzatzeko zozketa bat antolatu zuten. Kontzertuen eguneanbertan egin zen zozketa eta saria 977 zenbakiari egokitu zaio. Herritar batentzat izan da saria, Xeli Etxeberriarentzat.
Bukatzeko, igandean eskolako 2. eta 3. zikloetako ikasleek berebiziko emanaldia eskeini zuten herri osoaren aitzinean.