Berriki kaleratu da Xaldun Kortin. Jolastu gurekin! materiala, eta dagoeneko salgai dago gure herrietako liburudendetan edo web orriaren bitartez (www.xaldunkortin.com). Material horretan garai batean gaur egungo aitatxi-amatxiek beren etxeetan umeekin erabili izan zituzten kantuak, jolasak, ipuinak, hizkera... biltzen dira, eta hiru euskarritan ikus daiteke: liburuan, CDan eta DVDan. Bortzirietako Euskara Mankomunitateak argitalpen horretan oinarritutako ikastaro laburra prestatu du, batez ere 6 urte bitarteko haurrak dituzten gurasoentzat; irakasleek, begiraleek, hezitzaileek... ere parte hartu ahalko dute. Ikastaroa Dindaia Fundazioak emanen du.
Bi ikastaro eginen dira, eta Bortzirietako gurasoak horietako edozeinetara joaten ahalko dira: Lesakan maiatzaren 22an, ortzegunarekin, izanen da, 5:00etatik 7:00ak arte, Harriondoa Kultur Etxean. Beran maiatzaren 27an, asteartearekin, izanen da, 5:00etatik 7:00ak arte, Mukixu Haur Eskolan.
Bi kasuetan izen ematea bezpera arte egin ahal izanen da, aitzinetik mankomunitatean izena emanda (948 634 125) edo e-postaz (euskara@bortziriak.org). Matrikula 10 eurokoa da. Ikastarora haurrak eramaten ahalko dira, haurtzaindegi zerbitzua izanen baita.