Maiatzaren 4rako film emanaldi berezia antolatu dute Berako Kaxerna Gaztetxeko zine aretoan. Igande arratsalde ederra igarotzeko “kultuzko” bi film eskainiko dituzte: Ataun of the dead (ikusi trailerra) eta Joxean’s hil eben (ikusi trailerra).
Igande arratsaldeko 6etan hasiko den jaialdiak, ordea, ez du bakarrik bi filmak ikusteko aukera eskainiko. Horretaz gai, alfonbra gorria hedatuko dute eta bertatik pasiatzeko aukera izanen dute ikusleek, baita filmetako zuzendari eta izarrek ere. Zine izarren sinadura eta argazkiak ere egonen direla iragarri dute eta zuzendarien txapa (jasangarria) entzuteko aukera ere izanen omen da.